- 109 -
1429 (11. stycznia) Wrocław, we wtorek po święcie Trzech Króli etc.
Starsi i przysięgli miasta Strzelin odpowiadają swemu staroście w sprawie oczekiwanego nowego uzbrojenia etc.
— Dem erbern und woltuchtigen Heincze Reydeburg zu Rosenaw gesessin, howptman zu StrelinStrzelin unssirm lieben gwonnern und forderern etc. Unsirn frundlichen dinst, erbarer und woltuchtiger liebir err howptmann. Als ir uns geschreben habitvon etlichem statgereyte also von buchzin, pwlffer, geloteOłów na kule, armbroste, pfeyle etc., lossen wir euch wissen, das wir keyn gewere der stat inne nichten haben, wenne das alles verloren wart in der irsten zukunft der sneden ketczirW roku 1428, die der stat harnisch und gewer zu nichte genacht und brocht haben, sundire pfeyle und gelote haben wir hindir uns in der stat gelossin, wo die blebin sind, das kwnnen wir nicht gewissen, auch so haben wir eyn wenig pulffer und vier pischczaln mit uns weg brocht, die wir hewir uff eyns news der stat geczeuget hatten, und haben die wedir must gelozin, uff das das wir ander schuldige von der stat wegen haben must bezalin. Auch liebir her howptmann, als ir uns schreybit, wie wir arm und reich vorbottin suldin, das sich ydemann zu dem seyn haldin sulde und wir mete, dovore ir uns sichirt und globit leybes und gutis sichere, des wir euch genczlichen und folkomlichen glewben. Idach so haben wir vornomen, das uns armen leuthen unssir gut und habe aus unssirn hewssirn genomen ist und noch genomen wirt, bethin wir euch liebir herre, eyn sulchs nicht gestatin wellit, wenne wir armen leuthe sust schadin und vorloste gnug empfangen hetten, und wurde denne eyn sulchs obir uns vorhangen, so wusten wir nicht, wie wir eyn sottens vornemen sulden. Auch tuen wir euwir irwirkeit zu wissen, das eyns teyles arm und reich und gesworn nicht bey uns sind und eyner hie und der andire do ist etc. Und also euch denne auch wol wissentlichen mag seyn, das das lant und stat Strelin zu macht und zu handen stet des ernwirdigen in gote vater und hern hern Cunrads bischoff zu BreslawWrocław etc. und zu den hochgeborn fursten und hern herczog Przymken zu TroppawOpava (pol.: Opawa, staropol.: Tropawa, niem.: Troppau) w Rep. Czeskiej und herczog Ruprechts hern zu LobinLubin czwischin hie und sinte Jorgentag [23. kwietnia] nehste zukunftig in eynet gute. Nu sind wir undirricht wurden, das der erwirdige unssir herre der bischoff kurcz zu Breslaw seyn wirt, vor des gnade wir komen wellin, also vil als unssir noch hie ist, und was uns denne seyne gnade in dezin sachin undirweist zu tuen, das dorinne wellin wir tuen, doran wir recht tuen, das ymand icht gedenken odir sprechin sulde, das wir von eygener macht ichtis zu dezin sachen tuen welden, und bethin uns hierynne nicht zuvormerken.
Gebin zu Breslaw am dinstag noch epyphanie anno etc. domini XXIXmo, gebin undir eyme andern segil, wenne wir der stat segil uff dicz mall bey uns nichten hatten etc.
Elsten und gesworn der stat Strelin also vil ir uff dicz malle dobey gewest ist.